Freitag: Letste Trainingstag

Gfühlt erst grad in Spanie ahcho und scho de letsti Trainingstag. De eint oder ander Körper isch aber sicher froh, dasser bald es paar Täg kei sport muess tribe.

De nächst verletzi het sich aber nöd bim Gräteturne oder im Allround verletzt sondern bim fuessball spiele. Es git wohl en Grund, warum TurnerInne nöd sötted tschuttä!

Obwohl allne scho meh oder weniger alles weh da het, hend all Diszipline au am letste Tag nomal alles gä und sogar no es paar Wettkampfriifi Durchgäng abgliefered. De Fortschritt sitem erste Tag isch dütlich z gseh gsi! Es erfolgrichs Trainingslager.

Nachdem miteme Bier ufs Lager ahgstosse worde und all Grät wider in Lastwage verlade gsi sind isches zum letste Mal mitem Car zrugg is Hotel gange.

Am Abig isches den mitere Olympiade wider um Pünkt für die verschidene Teams gange. 2 vo 3 Durchgäng het oises Team "Fiona und die 3 Esel" chöne gwünne (Team Vollbschiss het trotz betrügereie mal nöd gwunne).

Am Abig isches wiedermal id Aloha Bar gange, wo mer bis s Liecht wider ah gange isch tanzt und gfästet hend.

En würdige abschluss für es super Trainingslager 😎