Donnerstag: De zweit letschti Tag, au wenn nüme jede mag

Hüt am Morge het für alli de Wecker glütet, drum hend all am z’Morgebuffett gwüetet.
 
Im Car ischs erstunlich still, es stöhned drum ide Halle alli mega viel.
 
Jedi Gruppe gaht sine Tate naah, die Einte oder Andere sind am ume stah.
 
Bim Allround hets es 10ni geh und GK hets sichs au ned lah neh.
 
S’Programm würkt, niemert isch gstürzt, schnuufe müend alli und d Trainer:inne seged «Dalli, dalli».
 
Wiiter mit Stuba dete lauft alles rund, ussert bi de Angi … ihre Zehe isch jetzt wund.
 
S Programm laht sich zeige und bringt sogar die lüütiste Jungs zum schweige.
 
De Morge isch etz scho verbii, drum hauemer bim z’Mittag drii.
 
Bim Buffet simmer ganz allei, dSenior:inne sind wohl scho hei.
 
Guet gstärkt gaht los, au s iturne isch wiedermal famos.
 
Gwüssi hend neui Sache usprobiert, anderi hend numme umeposiert.
 
Stäublis werded gspickt, dete wird gflickt, en Abgang hie, en Salto dah, glücklich simmer tralala.
 
Es Spikeball-Turnier bringt Spiel und Spass und das drüberus über alli Mass.
 
De Thierry und de Phillipp hend das grockt und hend allne ihri Pünkt abzockt.
 
D’Pendelstaffette funktioniert, trotzdem sind jetzt leider es paar ramponiert.
 
Fazit vom Tag, Bänder, Muskle und Sehne sett mer besser dehne.
 
Am Abig hemmer gluegt wie viel Lüt ih eim Zimmer Platz hend. Dene wos z‘äng gsi isch, die sind id Lobby grennt.
 
De Hockeymatch isch entschiede worde für Genf, und dunde het mer bi de Spieli ums Siege kämpft.
 
Em Nico sin Schlachtruef isch hüt Abig nöd zum Ihsatz cho, defür simmer morn all fit und froh.
 
Mir sind glücklich früeh is Nest, defür gits morn es Chäferfest.
 
Grüessli vo de Täme, em Coco, em Pippo und de Angela, bi üs wird niemert hange glah.
 
Die besti Gruppe dut sich verabschiede, und hoffed ihr sind Alli bis jetzte drane bliebe.
 
DSalome, de Sven und de Kevin sind eifach die Beste. Mir hoffed mir wärded nöd Letschte. ;)