, Lian, Maurin, Céline, Clivia, Mira, Zoe, Emma, Timo, Carla und Aline

Getu Lagerbericht Samstag

Nach eme happrige ufstah, luuter Musig und e huufe Motivation simmer as Zmorgebuffet und hend müesse feststelle dases kei gipfeli meh git. Aber Nutella hets immer gha drum hemmer über das chönne hinweg luege. Alli siebe Sache sind packt worde und is Auto verfrachtet worde. Es Parkour-IIturne und e huufe Tape und denn hets chönne los gah. Die letscht Chraft hemmer no müesse zämme sueche, durebisse und no s letschmal id Schnitzel gumpe. Nach de Pause hets no es produktives Chränzlitraining geh und denn isch au scho wieder Mittagsziit gsi.

De Maurin het de Zmittag sehr gern gha und de Céline het d Sauce chli z fesch nach Wii gschmöckt. Aber alles in allem grosses Kompliment as Chuchi-Team, de gröscht Teil vode chline und grosse Turner/inne hets immer gschmöckt.😊

Paar Chlini flissigi hend scho vorem Nami-Training Rondat-rw.-Salto güebt. S IIturne het den d Ronja und de Janis übernoh und guet ufgwärmt hemmer nomal es letschts mal chönne zeige was mer glernt hend. Viel sind au scho müed gsi und mer sind denn doch froh gsi, dass mer de Muskelkater wieder chli cha uskuriere.

In Schiers hets Lüüt gha mit komische Schueh und e huufe HCDavos Fans. Gueti Musig het eus scho die ganz Wuche begleitet, so au uf de Heifahrt und währendem verfasse vo dem Bricht.

Mega cooli Wuche gsi, mir freued eus scho ufs nächscht Mal. Viel neus lerne, enand debii unterstütze und als Verein e mega spassigi Ziit ha.