> Zurück

Lagerbericht Samstag

Stäubli Benjamin 10.10.2020

Hüt morge simmer mega früe mit Musik vo de Leiter gweckt worde. No mega müed vom Schlussabig hemmer eusi Koffere packt. De Zmorge isch wie immer 1A gsi. Nach em Zmorge isch es witergange mit Koffere packe und s Zimmer putze. Am 8:45 isch es scho los gange mit em supertolle Iwärme vo de Julie und de Carina. Ufgwärmt isch es den as Grät gange. Trotz Muskelkater und Blattere simmer motiviert und konzentriert bi de Sach blibe. Bald hets den au scho Znünii geh und wiiter as letschte Grät gange. Am 12i simmer go alli zemme go Esse. D Chöch hend eus wiedermal verwöhnt sogar na mit Schoggicréme zum Dessert. Nachher simmer wieder id Halle. Uf dene unglaubliche bekwähme Matte hemmer zerscht mal es Mittagsschläfli gmacht. ( Die Matte sind würklich sau bekwähm!). Nach em Schläfli simmer wieder go turne oder sozege das na gmacht, wo na gange isch. Ziit isch richtig schnell verbigange. Am Endi sind alli mega stolz uf sich gsi und hend ihres Ziel erreicht. Denn isch es leider scho as ufrume gange. Zum Schluss hemmer na es usdehne gmacht und natürlich euse Tanz nämlich Soco Soco Bate Bate. Nach em dusche und umzieh  simmer scho an Bahnhof glofe und uf de Zug nach Lufinge igstiege. Lina, Selina, Yasmine, Leisha, Mona, Aline, Jael, Florian