Turnverein Lufingen
, Sarina, Noemi, Kajsa, Mona, Noah, Sabrina

Lagerbericht Samstag

Nachem lustige Spielabig, wo bis id Nacht ine gange isch, ischs au meega schnell gange, da isch scho wieder Samstig gsi. Mer alli hend u meega früeh us de Federe müese zum eusi Better abzieh und s’Gepäck packe. Nacher hemmer alli wie gwohnt zmörgelet und sind denn ganz schlöfrig id Halle abegloffe. So hemmer am Morge direkt alles geh, da mir eusi Ziel wommer eus am Ahfang vom Lager gsetzt hend, hend welle erreiche. So isches denn au bald Ziit worde für de Zmittag, damit mir eus alli hend chene stärche. Direkt nachem Mittag hemmer wieder voll losgleit. Nur leider hemmer nume a zwei vo vier Grät trainiert, will mer denn leider alles hend müse verrume. Das isch ziemlich lang gange, da jede eigentlich no länger hetti welle bliebe. Einigi sind vorher scho gange, da sie direkt id Ferie sind. Aber de Rest isch wie uf de Hireis mitem ÖV zrugg. Jetzt sitzemer da im Zug und beänded de Bricht.

Schön ischs gsi und uf es nächschts Mal.