Turnverein Lufingen
, Vanessa, Svea, Ben, Mona, Selina, Aline, Sandro, Lina, Janis und Carina

Getu Lagerbericht Freitag

Hoi zämme

Gester hemmer als Abigprogramm s`Chränzli vo 2019 agluägt und hend eus nomal motiviert fürs Chränzli im nächste Monät. Zum Zmorge sind scho alli mit chli Musklekater-Bei aglofe cho. Au d’Oberärm sind bim Müäsli esse recht is schwitze cho.  I de Halle simmer denn aber alli ufdaut und händ Saltoabgang güebt a verschidenä Pöste. Die Einte händ ide Zwüschetziet Sprung gha und händ es paar Sprüng id Schnitzelgrueb dörfe mache. Die Chlinere hend de Benji attakiert und id Schnitzelgrueb grüert.

Nachem feine Z’Mittag simmer vollgfresse es chlises Schläfli uf de dicke, bequeme und küschlige Matte go mache. Bis mer miteme super Iturne vo de Julie und em Janis eus fürs Namitagtraining ready gmacht händ. Gstartet hämmer mitem Chränzli-Training, so dass ihr no meh Begeisterig ade Chränzliuffüärig erlebe chönd. Nachem strenge Training freued mir eus miteme bärehunger uf de Znacht und de Abschlussabig.